SYS ADMIN

Saida mak SYsadmin?

Se mak SYSTEM ADMINISTRATOR ne?

System Administrator (babain ema bolu ho sysadmin) tenki hatene kona ba rede komputador hahu husi dezain, implementasaun, no halao manutensaun. Sysadmin tenki hatene oinsa atu monta no sobu komputador, halo instalasaun sistema operasaun hotu, dezain no hari’i rede komputador( hahu husi instalasaun kabel to router), hari’i server hanesan proxy-cache server, no mos halo monitorizasaun atu nune’e sistema ne’e bele funsiona iha oras ba oras.

Sysadmin bele iha fatin hotu-hotu hanesan ministerio, eskola, universidade no fatin seluk-seluk ne’ebe mak iha asesu ba internet durante 24 horas. Kuando O bele aksesu internet, halo komunikasaun ho email, internet messenger (IM), no mos VOIP (voice over internet protocol), O tenki hatene katak sysadmin mak halo buat sira ne’e funsiona ho diak.

Se mak iha potensia atu sai SYSADMIN?

Laos ema hotu iha potensia atu bele sai sysadmin, maibe kuando O minimal iha kriteria 4 hanesan tuir mai ne….entaun O iha duni potensia atu sai sysadmin.

1. Gosta halimar ka otak-atik sistema operasaun (Windows, Linux, BSD)
2. Gosta sobu no monta sistema de rede
3.Gosta sobu no monta komputador
4.Gosta lao tuir ka akompanha dezenvolvimento teknologia internet
5.Gosta hacking no cracking
6.Bele estuda rasik husi materia ne’ebe mak existe iha internet
7.Iha komprendesaun kona ba lingua ingles(minimal bele le ingles no komprende nia signifika)
8. Iha dedikasaun no responsavel ne’ebe bo’ot, signifika kuandu iha problema ne’ebe mak seidauk resolve, nia sei buka solusaun no diak ida lakohi atu fila ba uma hodi deskansa.
9. Iha komprendesaun kona ba lozika no matematis ne’ebe mak naton.
10. Gosta koko rasik buat ne’ebe mak foun, tekniku foun ne’ebe mak iha relasaun ho nia servisu, baibain ema bolu dehan upgrade skill by self learning
*****************************************************************************

Sysadmin mak monta servidor hotu, halo instalasaun ba sistema operasaun, sysadmin garante katak power ba ar kondisionadu tenki funsiona ho diak iha fatin servidor nian, halo monitorizasaun, set up software, no ikus liu mak halo back-up ba kazu hotu kuando to ikus iha problema.

Sysadmin mak halo instalasaun ba router sira, monta fio rede, halo konfigurasaun ba network, set up ba firewall, no halo monotorizasaun ba trafiku sira iha networking nia laran, sysadmin mak halo ligasaun husi servidor ba iha internet no ba to ita nia komputador

Sysadmin iha garante katak ita hotu nia koneksaun tenki seguro, nakloke, no funsiona ho diak. Sysadmin garante ita nia komputador servisu ho diak. Sysadmin halo backup atu guarda hodi nune’e bele hasoru dezastre ruma ne’ebe mak bele mai husi ema, halo instalasaun firewall hodi hasoru ameasa husi crakcer sira.

Sysadmin laran taridu kona ba spam,virus, spyware

Wainhira email server down iha oras tuku 2 AM iha domingo, sysadmin sei hader no ba kedas servisu

Sysadmin mak ema ne’ebe professional, bele halo plano, hacks, hadia, advocado, proteksaun, no kria networking ne’ebe diak, ajuda hetan ita nia data, ajuda halao ita nia servisu, no lori ita hotu nia potensia komputador besik liu tan ba realidade teknologia nian.

Ne’e duni kuando O bele le ida ne’e, obrigado ba ita bo’ot nia sysadmin. No hatene ba katak nia ( mane ka feto) mak so ema ida husi ema rihun ba rihun mak bele halao servisu ne. No keta haluha katak loron sysadmin nian iha tinan 2009 monu iha loron sesta-feira 31 de Julho. Fo ba ita nia sysadmin prezente furak ida hodi hato’o ita nia agradese ba nia servisu.